Lagu-lagu Sawer Panganten 1

Kunang Sari

Mulungbung jalan rahayu
Ngembat jalan ngararabi
Mulungbung jalan rahayu
Ngembat jalan ngararabi
Awalna nya tepang rasa
Masket asih lahir batin
Dipatri ku akad nikah
Tingtrim asih laki rabi


Teja Mantri

Hidep Ginanjaran bagja
Tepung rabi jatuk rami
Muka lambaran carita
Natrat dina rumahtangga
Jimatna ngan welas asih
Antara hidep duaan
Poma lali kana pawit
Eunteup tetep tepung rasa
Dumeling asih mandiri
Ngancik asih lahir batin

Mungguh tuturus lumaku
Eunteungan diri pribadi
Lamun pinanggih cocoba
Mangsana deukeut anggang
Wiwilangan kudu meruhkeun ka napsu
Poma masing nya satuhu
Dipindingan iman islam
Jauhan sipat takabur
Nu ngancik ngan welas asih
Eta bebenteng rarabi

Kidung

Ayeuna nya nawaetu
Ku asmana Illahi
Rek milampah ….
Rahman Rahim nu dipamrih
Ngambah hirup rumah tangga
Kenging rahmat ti Yang Widi

Jemplang Titi

Numut ka papatah sepuh
Tawisna hidep mupusti
Kunci gedong kabagjaan
Aya di sepuh utami
Pundut mah anggur duana
Sangkan mulus laki rabi

Hidep cunduk kana waktu
Boga kabeungbeurat ati
Nyatana bojo utama
Euis pinilihan hati
Sing bisa mulasarana
Sangkan rapih laki rabi

Euis tanda nya mituhu
Ka panutan siang wengi
Ka caroge teh panutan
Sumujud ku ati puji
Cegahan lampah ngarinah
Tigin mupusti ku asih

(Dicutat tina kaset “Upacara Panganten Adat Sunda”. Juru kawih: Mamah Dasimah, Degung Sagala Domas. Diketik ku Eman Suherman – Bandung, 12 April 2007)

3 thoughts on “Lagu-lagu Sawer Panganten 1

  1. ini judulnya apa ya?itu maksudnya yang tulisan item tebel apa?maaf…ada tugas sekolah suruh nyari lagi tentang saweran😀

  2. Semuanya lagu sawer panganten, kalau komplit semuanya dinyanyikan, tapi karena terlalu panjang biasanya dipilih yang pentingnya saja. Yang dicetak tebal adalah nama lagu untuk lirik yang ada di bawahnya. Penyanyi sawer sudah hapal bagaimana menyanyikan tejamantri, jemplang, atau kidung

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s